بنات الجزائر
ادخل وما تضحكش هههههههههههه J3t53346
بنات الجزائر
ادخل وما تضحكش هههههههههههه J3t53346
بنات الجزائر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


مرحباً بك يا {زائر} في بنات الجزائر
 
الرئيسيةالبوابةأحدث الصورالتسجيلدخول

 

 ادخل وما تضحكش هههههههههههه

اذهب الى الأسفل 
2 مشترك
كاتب الموضوعرسالة
زيانة الجزائر
نائبة المديرة
نائبة المديرة
زيانة الجزائر


انثى
عدد المساهمات : 772
العمل/الترفيه : معاك ياالخضراء ديري حالة
تاريخ التسجيل : 09/11/2009
البلد : بلد العز والكرامة بلد المليون ونصف مليون شهيد

ادخل وما تضحكش هههههههههههه Empty
مُساهمةموضوع: ادخل وما تضحكش هههههههههههه   ادخل وما تضحكش هههههههههههه Emptyالجمعة مايو 20, 2011 3:14 pm

واحد تلاقا مع عجوز قالتلو (واش تخدم يا وليدي؟ ) قالها بيطري فقالتلو (واش يدير البيطري ) قاللها طبيب حيوانات فقالت له ( لو كملت قرايتك ماكش هكذا)

قالك إرهابي تضارب مع صاحبو , نهار تـفاهموا , قالو اسمحلي هيا نخلصك شامبيط (حرس بلدي ) في الغدا


واحد كان لابس صباط تاع مليون , طلع في الكار , عفست عليه عجوز , قالها يا الحاجة راكي عافسة على مليون قالتو تاعي وين راها ؟


واحد المعلمة صقصات طفل , قاتلو قول صباط , قالها " هباط " , قاتلوا صباط ماشي هباط , قالها هباط , قاتلو صباط قالها هباط , المهم قالتول جيب ولي أمرك , كي جا ولي أمرو قاتلو أنا نقولو صباط وهو يقول هباط قالها : حبيتيه يقولك هابو (زعمة صابو )


واحد الطفل ديما يروح لحانوت يقولو : عندك ملح ؟ اعطيني سكر . عندك قزوز ؟ أعطيني سعيدة , يصقصيه على حاجة ويدي حاجة أخرى , المهم وحد المرة كان جايز باباه , عيطلو مول الحانوت قالو : ولدك راه يمرضني , يصقصي على حاجة ويدي حاجة أخرى , قالو باباه : عندك عصا ؟ قالو ايه , قالو أضربو بكف


واحد كان ياكل في مطعم موسخ بزاف , كي خلص الماكلة قالهم وين راه المعلم نشكيلو سوء التسيير , قالولو راه في المطعم المجاور يتغدى

واحد كان في مطعم ياكل لقا فار ميت في الشوربة , راه يشكي قالولو مازالك 5 فيران وتربح معانا في الطومبولا


واحد ديما يهز معاه قرلو ميت باش كي يروح للمطعم وياكل يحط القرلو في الماكلة وممبعد يروح يشكي , يقولو مول المطعم كول باطل وما تبهدلناش , ديما يدير هكذا , وحد المرة فاق بيه صاحبو قالو أعطيني كشما عندك قرلو ميت , قالو مازالي 4 نستقهوا بيهم

أيا قالك واحد تسكن قدامو وحدة ألمانية , كل صباح تقولوGUTAN TAG
معناها صباح الخير , وهو مايفهمش, المهم سقصا صاحبو واش معناها , صاحبوا قالو معناها صباح الخير , المرة الجاية كي قالتلوا الألمانية GuTan Tag قالها Taaaaaaaag زعمة << خيييييييييير



وحد النهار دخل جنرال على ثكنة عسكرية
زيارة مفاجئة
وبعد ان اصطف الجنود
بدا الجنرال يشوف فيهم بالواحد
عجبو واحد الجندي
شاف معاه الجنرال وقال :
وش اسمك ؟ قال : سعيد يا حضارات
قال له : واش راك هاز في يديك ؟ (يقصد السلاح )
قال له : السيمونوف (نوع من الأسلحة )
قبضوا ضربو وعذبوا , :
هذه ليست سيمونوف هذه شرفك هذه عرضك هذه وطنك ... بل أكثر اعتبرها زوجتك
المهم
الجنرال رح للجندي الي بعدو وسقصاه :
وش اسمك ؟
قال : عبد القادر
فقال الجنرال : واش تهز في يديك؟ ( السلاح طبعا )
أجاب الجندي وهو يرتجف : زوجة السعيد يا سيدي


معلم كان يبكي جاه صاحبه معلم قالو علاش تبكي قالو خلاصلي بيدون زيت بعد سنتين فقط , رد المعلم الثاني ا : علاش كنت تغسلوا بيه ؟


طفل سأل أستاذ : هل الزرافة تطير ؟ قال المعلم ومن الحمار الذي قال لك ذلك ؟ قال له أبي الجنرال , قال له المعلم : الزرافة أحيانا تطير عندما تحاول
الصحافية انتاع حصة رحالة راحت للصحرا , لقات واحد الشيخ قاعد , قالتلو عمو كشما عندكم حاجة غريبة هنا ؟؟ خرج رفعة شمة ودارها في عينو وقالها " هنا ؟ ماكاش "

واحد الطفل كل ما يروح يشري من الحانوت يقول لمول الحانوت , كاين ما سعيدة ؟ يقولو ايه , يقولو أعطيني قزوز هههه
كشغل يصقصي على حاجة ويدي حاجة وحدأخرى , وكان يقلقو , وحد النهار جا فايت الأب انتاع الطفل , عيطلو مول الحانوت وقالو" ابنك ديما يقلقني , يصقصي على حاجة ويدي حاجة وحدأخرى " قالو باباه " عندك هراوة ؟ " قالو " ايه " قالو أضربو بكف " ههههه


.واحد شرا تريكو فيه الفوطو انتاع فوندام (ممثل) , ولبس فوقو قشابية في الصيف , حتى ولى منتن من السخانة, نهار نحى القشابية لقى فوندام شاد نيفو ههههههه




.القاضي : أنتا متزوج ؟
المتهم : ايه
القاضي : بيمن متزوج ؟
المتهم : بمرا (إمرأة)
القاضي هههههه وعلاش كاين اللي يتزوج براجل ؟؟؟؟
المتهم : كاين
القاضي مخلوع : آه كاين ؟ وشكون ؟
المتهم : أختي متزوجة براجل ههههههه


. واحد الراجل قال لولادو كي نموت أدفنوني واقف , قالولو وعلاش ؟ قالهم الميترة انتاع الأرض بـ 100 ألف


. واحد الشيخ كي عاد قريب يموت , دارو بيه ولادو , هو بدا يشوف فيهم
قالهم : وين راه السعيد ؟
قالو: أني هنا
قالهم : وين راه المسعود ؟
قالو : أني هنا
قالهم : وين راه عبد الباقي ؟
قالو أني هنا
بدا يعيط عليهم : وشكون اللي راه شاد الحانوت مالا ؟


.وحد القرية خدمو قنبلة نووية , نهار سمع بيهم الرئيس قالهم أعطيونا نجربوها , نطرطقوها في كاش صحرا , قالولو لالا خدمناها هنا , نطرطقوها هنا.



واحد الإرهابي صدم على دار , صاب عجوز وشيخ راقدين , أيا صوب الكلاش ليهم وقال للعجوز واش اسمك ؟ قاتلو خيرة , قالها عندك الزهر على خاطر اسمك كيما اسم العجوز يما , وممبعد راح للشيخ وقالو واش اسمك ؟ قالو الطاهر ويعيطولي خيرة

أيا قالك واحد الطفل نهار زاد , زاد راسو كبير بزاف , الناس عقدوه , أيا واحد المرة قال لأمو أنا الناس ديما يضحكوا عليا كي عاد راسي كبير , قاتلو يماه , لالا راسك ماشي كبير الناس زعلو منك برك , هاك عشرة آلاف روح اشريلي البطاطا , قالها ماعنديش قفة قالتلو دير البطاطا في الكاسكيطا تاعك


قالك واحد بخيل شرا قرعة دوا حمر , ايا في الطريق طاحت تكسرت,غاضو الحال , راح جرح روحو ودار منها وهي سايحة


واحد الراجل لقا طفل صغير يبكي قالو وعلاش تبكي قالو البالو تاعي تفش, راح الراجل شرالو بالو واحد آخر وعطاهلو الطفل مازال يبكي , قالو الراجل علاه راك تبكي هاو البالو جديد , قالو الطفل لوكان ماتفشليش البالو الأول لوكان ضرك عندي زوج بالوات


واحد المسألة انتاع رياضيات , فلاح يملك حقل طوله 50 متر وعرضه 20 متر , السؤال ماهو عمر الفلاح ؟

واحد حابس , جاتو الحكومة قاتلو أعطينا وثيقة إثبات ملكية المنزل , جابلهم فوطو تاعو متصور في الحوش انتاع الدار
الرجوع الى أعلى الصفحة اذهب الى الأسفل
*جوهرة الجزائر*
صاحبة الموقع
صاحبة الموقع
*جوهرة الجزائر*


انثى
عدد المساهمات : 1282
العمل/الترفيه : مديرة منتدى بنات الجزائر
تاريخ التسجيل : 11/10/2009
البلد : الجزائر هي قصر من الاناقة والجمال هي الصدر الحنون هي صفات الكرم الشهامة هي الاحمر لدم الشهداء والاخضر للازدهار والابيض للسلام هي القلب والعقل والروح هكذا كل قطرة من دمي تقول بجنون انا فدى الجزائر وفدى اسمها ومن قال احب الجزائر فسوف ابوس التراب الذي يمشي عليه لانها كل شيء بحياتي هي ارض الابطال هي بداية الكون

ادخل وما تضحكش هههههههههههه Empty
مُساهمةموضوع: رد: ادخل وما تضحكش هههههههههههه   ادخل وما تضحكش هههههههههههه Emptyالأحد مايو 22, 2011 11:40 am

ادخل وما تضحكش هههههههههههه Qatarya8cejiyehzf
الرجوع الى أعلى الصفحة اذهب الى الأسفل
https://banatalgeria93.ahlamontada.net/
 
ادخل وما تضحكش هههههههههههه
الرجوع الى أعلى الصفحة 
صفحة 1 من اصل 1
 مواضيع مماثلة
-
» يلي يحب يضح يدخل هههههههههههه
» ادخل وانظر
» ادخل لتتعلم شيء مهم
» حاب تنحي على خاطرك..........ادخل هنا
» (¯`·._) ( ادخل السجن وشوف مين يطلعك ) (¯`·._)

صلاحيات هذا المنتدى:لاتستطيع الرد على المواضيع في هذا المنتدى
بنات الجزائر :: (¯`°•.¸¯`°•. استراحة بنات الجزائر .•°`¯¸.•°`¯) :: النكت والفرفشة-
انتقل الى: