امثال سوفية رووووووووووووووووووووووعة...........................

السلام عليكم

يا عضوات منتدى بنات الجزائر أنا اليوم قررت أنا أعرفكم على أمثالنا وحكمنا الشعبية في مدينتي مدينة ألف قبة وقبة مدينة واد سوف يلا نيدا بسم الله :

المكتوب له القفزة.

اللي يلعب مع الفلوس ينقبه الدجاج.

لي يخدم خدمة ياكل من فوحها.

ولد القط يجي ينط وولد الفار يجي حفار .

بات ليلة مع الدجاج صبح يقاقي.

جاي للقراية لاقلم ولا دواية.

جا يكحلها عماها.

الي تغطى في الايام عراته.

لعرق للركبة والخسارة للضبوط.

المكسي بغش الناس عريان.

الهم فيه ما تختار.

الشركة هلكة والجرب يعدي.

اللي بيده ربي يزيده.

ما صح عين اللي طلب وما صح عين اللي ما عطاشي.

الطماع يكتله الكذاب.

شوي من الحنة وشوي من رطابة ليد

ايد وحدة ماتصفقش.

جاء يتسكن صار يتمكن.

خاين الدجاج على راسو الريش.

علموه الصلاة سبقنا الجامع.

كل زير يلقى مغطاه.

ربي يهدي ما خلق.

بعد ما شاب علقوله كتاب .

جا يسعى ودّر تسعة.

الليلة السعيدة تبان من مغربها.
.
الواخذ على الحفى ينسى سبّاطه .

المسّبط ما يدري على الحافي .

ما يحس بالجمرة غير اللي عافسها.

الزغاريد قبة و النعمة ما كاين حتى حبّة.

الحمام المكسر يطيح على البرج الخالي .

المسلوخة تعكي على المذبوحة.

جبت قطيط يونس فيا عاد يبرق في عويناته عليا.

باب النجّار مخلوع.

دير مادار جارك ولّا حوّل باب دارك.

جا من التالي و قال يا مالي.

قليل الوالي يقول للكلب يا خالي.

اللي ما شبع من القصعة ما يشبع من لحيسها.

كل قطيط في عين أمه غزااال.

العريس يعرس و المشوم يتهرّس.
.
كل طبل شاد عراه.

الطايرة ينتف منها ريشة.

اللي فيه نقّة ما تتقّى.

الأقرع راسه قريب لربي.

اللي ما ربتاش والديه الايام تربيه.

.*ملاحظة:العضوات السوفيات ازيدو أمثال اخرى اذا عندهم أما العضوات الغير سوفيات اقولولي أي واحد عجبهم أكتر .