ياللي سالتني على زياني قولي واش ندير واش نعمل انسان شاطر.متواضع ماهو بفاشل
كبير وناجح و انسان فاضل راجل فحل مايحمل الدل
و ليد سوسطارة و بلاد لقبايل المهم وليد الدزاير البطل
وليد الدزاير العزيزة المدلل
مللي جا للخضرة اللعب تبدل ظهر في وقت كان فيه المنتخب حاصل
زياني كيف السكر كيف لعسل من اللعب تاعوماتمل
و على مبارياتو الناس ماتغفل
ادا غاب على الفريق يتهول كيما نهار مباراة رواندا للي جبنا فيها التعادل
باش تهدر على زياني ماتحاول لانو زياني حبة واحدة ووليد اصل
هو اللي عينو تدمع كل ماسمع النشيد المبجل واللي قال نلعب للدزاير ولو برجل
بكراتو الثابتة ادهش الكل وياللي تنتاقدو سلوكك عدل
*******************
في فولسبورغ ان شاء الله ماتطول و لفريق كبير ترحل وتنتقل
و اللي حقرك ربي عليه و كل لانو هو الله الصادق الامين العادل
يازياني ماتفقد الامل مشكلتك بادن الله تتعدل
و تدكر انو الله يمهل ولا يهمل
ان شاء الله تهميشك ما يطول وغيابك على المنافسة راه شكل خلل
ياسعدان راني فيك نحلل بالاك تتسرع و تتعجل
لانو زياني هو الميور و هو الافضل
************************
ادا حبيت تلعب بالون زياني هو المثل لاعب كبير متفاني في العمل
في جوان ان شاء الله تسجل هداك النهار بادن الله نولول
عليك و على صحابك نعول تربحو و تفرحو الجزايريين الكل
نتمنالك النجاح والتوفيق من عند ربي عز و جل
لانو الله مايحب الباطل و جميع اللي عيا في هاد الدنيا يوصل
*****************
ياللس سالتني بالاك نفسك عليك تزيد تسول لانو زياني كبير عليك و على الكل
ياللي راك تقراه باركا ماتحلل و ادا ماعجبكش الحال ربي يسهل
لوكان تغيب على المنتخب نبطل نكتب شعر و نعتزل
بهاد لكلمة شعري نكمل و ربي يجازي كل ظالم في المستقبل
موضوع: جوهرة الجزائر 
